« Yo pretann ke, nan antèman pou onore devouman Charlotin Marcadieu, Jeneral Pétion ki t ap gade Boisrond Tonnerre ak Mentor ak move je, di konsa Charlotin se te sèl nan prefere Dessalines yo ki pa t ap ba l manti .» Toujou nan sa yo rapòte, « Solda yo ak mas moun yo te al gade fineray sila a, yon fineray gwo zafè : kote grandizè t ap fè elòj Charlotin poutèt li te akonpli devwa l antanke milité .» Se sa istoryen ayisyen Beaubrun Ardouin rakonte nou, nan yon liv ki rele Études sur l’histoire d’Haïti , sou fineray Charlotin Marcadieu.

Kiyès Charlotin Marcadieu te ye?
Charlotin Marcadieu se te yon sòlda, se te sekirite rapwoche Anprè Jean Jacques Dessalines (Desalin). Lè Desalin finalman dekouvri li pran nan pyèj sou Pon Wouj, lè li wè tout bon vre ke li sou wout mouri, aprè Gaba te gentan fin tire sou li yon premye fwa, se sòlda sa a li te mande sekou. Listwa rapòte ke Desalin te rele Osekou Charlotin. La menm, san reflechi, li te lage kò l sou Anprè a pou pwoteje l. Asasen yo touye toulède lapoula.

Zak Charlotin an t a gen dwa pa kite okenn tras nan listwa. Sa l te fè a te nòmal. Li se gadkò Desalin, y ap tire sou li, li pwoteje l. Senp kou dlo kòk. Men g on lòt aspè nan kesyon an ki bay jès la yon enpòtans istorik san parèy, ki rann misye se yon pèsonaj kle nan chèche konprann peyi d Ayiti jouk jounen jodi a.

Desalin se te yon nèg, yon ansyen esklav. Charlotin pa t menm yon milat, nan konpreyansyon koulè nan listwa peyi d Ayiti : se te pito yon katewon, sa vle di yon moun ki te menm pi pre blan ke milat, ki te gen plis san blan nan venn li ke yon milat. Kidonk Charlotin pa t sèlman ranpli devwa l antanke gadkò Desalin, sakrifis sila montre ke se te yon nonm san prejije, ki te wè moun anvan koulè po yo.

Yon bouke flè pou Charlotin, pousyè pou Desalin
Aprè lanmò Desalin, Pétion, chèf kominezon an, voye yon moun fou ki rele Dédé Bazile (Défilé la folle) al antere li nan yon simityè san non. Alòske yon lòt bò li te chwazi onore Charlotin
___________________________________________
« Aussi prétend-on, qu’aux funérailles qui honorèrent le dévouement généreux de Charlotin Marcadieu, « le général Pétion, jetant un regard courroucé sur Mentor et Boisrond Tonnerre, dit que Charlotin avait été le seul des favoris de Dessalines qui n’eût pas cherché à l’égarer ». ( Beaubrun Ardouin) « Les troupes et les citoyens en foule assistèrent à cette cérémonie funèbre, remplie avec magnificence : témoignage flatteur pour la mémoire de celui qui comprit son devoir militaire ». (Beaubrun Ardouin) Beaubrun Ardouin, Études sur l’histoire d’Haïti, tome V.